გარემოსა და ბუნებრივი რესურსების დაცვის მინისტრის მოადგილე მაია ბითაძე, სსიპ - ბირთვული და რადიაციული უსაფრთხოების სააგენტოს ხელმძღვანელობასთან ერთად, ლიტვის რესპუბლიკის რადიაციული დაცვის ცენტრის დირექტორს ალბინას მასტაუსკასს შეხვდა.
შეხვედრაზე მხარეებმა ბირთვული და რადიაციული უსაფრთხოების მარეგულირებელი ეფექტიანი ინფრასტრუქტურის ჩამოყალიბებისა და მისი გაძლიერების მიმართულებით ერთმანეთს გამოცდილება გაუზიარეს. ალბინას მასტაუსკასმა ბირთვულ და რადიაციული უსაფრთხოების სფეროში ბოლო დროს განხორციელებული ცვლილებები დადებითად შეაფასა.
ლიტვის რესპუბლიკის რადიაციული დაცვის ცენტრის დირექტორის მიწვევის საფუძველზე, დაიგეგმა მაია ბითაძის ვიზიტი ლიტვის რესპუბლიკის დედაქალაქში, სადაც გაფორმდება ურთიერთგაგების მემორანდუმი საქართველოსა და ლიტვის რესპუბლიკის მარეგულირებელ ორგანოებს შორის.
