თბილისის საქალაქო სასამართლოში ე.წ. ფოტოგრაფების საქმის განხილვაზე პირველმა მოწმემ, ფოტოგრაფმა ნათია გედენიძემ უკვე მისცა ჩვენება.
მან 6 წლის წინ მის დაკავებაზე ისაუბრა და ძალოვანი უწყებისთვის ძალით მიცემული ჩვენება გაიხსენა. ამ საქმეზე ერთი პირი დაკავებულია, ერთი კი ინტერპოლის წითელი ცირკულარით იძებნება.
„არ გამჭირვებია ამომეცნო ბრალდებულის სკამზე არსებული ადამიანი, დავით დევნოზაშვილი, რომელმაც ჩემი საკუთარი კომპიუტერიდან, რამდენად კანონიერად, მაგრამ ამოიღო ჩემი საკუთარი პირადი ფოტო, რომლითაც მემუქრებოდა, რომ ეს გახდებოდა საჯარო,“-განაცხადა ნათია გედენიძემ.