რას ნიშნავს MICE ტურიზმი და როგორ უნდა განვითარდეს ის საქართველოში? ამ კითხვას გაეცემა პასუხი 28 აპრილს, 12:00 საათზე, სასტუმრო „ეიფორიაში“ დაგეგმილ შეხვედრაზე.
საქმიანი ტურიზმის (MICE ტურიზმის) ინდუსტრია დასავლეთის ქვეყნებში დაინერგა და ეკონომიკის ერთ-ერთ პერსპექტიულ მიმართულებად ჩამოყალიბდა. დღესდღეობით MICE ტურიზმის უმნიშვნელოვანეს ცენტრს წარმოადგენს აშშ, დიდი ბრიტანეთი, ავსტრალია, გერმანია, საფრანგეთი, ავსტრია, ესპანეთი. აღმოსავლეთის ქვეყნებში ლიდერის პოზიცია ჩინეთმა დაიმკვიდრა.
საქართველოში კი MICE ტურიზმი ახალ, სწრაფად განვითარებად ტურისტულ სფეროს წარმოადგენს.
28 აპრილს დაგეგმილ ღონისძიებაზე, IBF-ის დამფუძნებელი გუგა კობახიძე, ბათუმის მერის მოადგილე - ალექსანდრე მითაიშვილი, აჭარის განათლების, კულტურის და სპორტის მინისტრის მოადგილე - მირიან ქათამაძე და ტურიზმის და კურორტების დეპარტამენტის სერვისის განვითარების განყოფილების უფროსი - თამარ კაიკაციშვილი ქვეყანაში MICE ტურიზმის განვითარების 5-წლიან გეგმას წარადგენენ და ასევე დაგეგმილ ბიზნესფორუმის დეტალებს გაასაჯაროებენ.
საერთაშორისო ბიზნესფორუმის ოფიციალური მხარდამჭერია „საქართველოს ინოვაციების და ტექნოლოგიების სააგენტო“.
ცნობილია, რომ ბათუმი 22-23 მაისს, კავკასიის მასშტაბით პირველ საერთაშორისო ბიზნესფორუმს (IBF Batumi) უმასპინძლებს. ღონისძიება სასტუმრო „ეიფორიაში“ გაიმართება და მასში 6 მსოფლიო კლასის სპიკერი და 800 დელეგატი 14 ქვეყნიდან მიიღებს მონაწილეობას. IBF-ის სპიკერები იქნებიან:
დანანჯაია ჰეტიარაჩი - 2014 წლის მსოფლიო ჩემპიონი საჯარო გამოსვლებში. ის არის ადამიანური რესურსების განვითარების სპეციალისტი ტოპ მენეჯერებთან და ბიზნესის მფლობელებთან მუშაობის დიდი გამოცდილებით.
შონ ფიცპატრიკი რაგბის ლეგენდაა, ის ახალი ზელანდიის ეროვნული ნაკრების All Blacks-ის კაპიტანი იყო. ისაა ავტორი წიგნისა “Winning Matters”.
პიერლუიჯი კოლინა ფიფამ წლის #1 მსაჯად აღიარა 6-ჯერ. ჰალის უნივერსიტეტმა კოლინა „სპორტულ სამყაროში თავისი წვლილისთვის“, მეცნიერებათა დოქტორის წოდებით დააჯილდოვა. დღეს კოლინა ქოუჩია და მისი შესწავლის სფეროს წარმოადგენს გადაწყვეტილების მიღება.
კევინ გასკელი პორშესა და ლამბორგინის ხელმძღავენელი იყო. მან მოახერხა მილიარდი ფუნტის ღირებულების აქციების შექმნა არაერთი ბრენდისთვის.
მარშალ გოლდსმიტი ორჯერ დაასახელეს მსოფლიოს ყველაზე გავლენიან ლიდერშიპის მოაზროვნედ. ის ამერიკის ერთერთი ყველაზე მოთხოვნადი ქოუჩია.
ჯონ კინგი CultureSync-ის დამფუძნებელი პარტნიორი და პრეზიდენტია. მისი წიგნი Tribal Leadership ითველბა ყველა დროის საუკეთესო სახელმძღვამეოდ გუნდური მმართველობის კონცეფციებში.
IBF-ის მიზანია ადგილობრივი ბიზნეს სექტორის ჩართვა საგანმანათლებლო ბიზნესში და MICE ტურიზმის, როგორც ქვეყნის პრიორიტეტული დარგის, განვითარება რეგიონში.
