ვენესუელა ამერიკის სახელმწიფოთა ორგანიზაციას ტოვებს. ამის შესახებ ქვეყნის საგარეო საქმეთა მინისტრმა დელსი როდრიგესმა განაცხადა. მისივე თქმით, ორგანიზაციიდან გასვლის პროცედურა 27 აპრილს დაიწყება და 24 თვეს გასტანს. 26 აპრილს კი ამერიკის სახელმწიფოთა ორგანიზაციის მუდმივი საბჭო საგანგებო სხდომას გამართავს, რომელზეც ვენესუელაში შექმნილ მწვავე კრიზისს განიხილავენ. მწვავე ეკონომიკურ და სოციალურ კრიზისს ვენესუელაში მასშტაბური საპროტესტო აქციები მოჰყვა. ოპოზიცია პოლიტპატიმრების გათავისუფლებას და ვადამდელ არჩევნებს ითხოვს, ხელისუფლება კი საპროტესტო აქციებს ძალის გამოყენებით შლის, რის შედეგადაც 20-ე მეტი ადამიანი უკვე დაიღუპა. ამერიკის სახელმწიფოთა ორგანიზაცია მადუროს რეჟიმს მწვავედ აკრიტიკებს.