უწესიერესი, გამორჩეული შვილი მყავს, - ასე უპასუხა "ნაციონალური მოძრაობის" მიერ გავრცელებულ ინფორმაციას უმრავლესობის დეპუტატმა, ირაკლი სესიაშვილმა.
პარლამენტის თავდაცვისა და უშიშროების კომიტეტის თავმჯდომარე მისი შვილის მისამართით გაჟღებულ ბრალდებებს სიბინძურეს უწოდებს.
სესიაშვილი თქმით, ის იურისტებთან გაივლის კონსულტაციებს და შემდგომ სასამართლოს მიმართავს.
"ნამდვილად მუშაობს ჩემი შვილი, 6 თვით ხელშეკრულებით აიყვანეს. უწესიერესი, გამორჩეული შვილი მყავს, რომელიც მთლიანად ორიენტირებულია, სწავლაზე, განათლებაზე, პროფესიულ განვითარებაზე. ასეთი სიბინძურე, რომელიც პირდაპირ ჩემ წინააღმდეგ არის მომართული, მათი ხასიათი და სახეა. ასეთ ბინძურ ქმედებას პასუხის გარეშე არ დავტოვებ. იურისტებთან გავივლი კონსულტაციას და დარწმუნებული ვარ, სასამართლოს მივმართავ და პასუხსაც აგებენ ასეთი სიბინძურისთვის“, - განაცხადა ირაკლი სესიაშვილმა.
ცნობისთვის, "ნაციონალური მოძრაობის" განცხადებით, მთავარი პროკურორის ჩარევით ირაკლი სესიაშვილის შვილის დანაშაული მიიჩქმალა.