იუსტიციის საბჭოს წევრები საზოგადოებას მოსამართლეების კრიტიკის საკითხის განხილვისკენ მოუწოდებენ. იუსტიციის საბჭო სპეციალურ განცხადებას აქვეყნებს, რომლის თანახმადაც მოსამართლეების მიმართ შეურაცხმყოფელი განცხადებები გარკვეულ რეგულაციებში უნდა მოექცეს და შესაძლოა დაწესდეს შესაბამისი სანქციებიც.
იუსტიციის საბჭოს საგანგებო განცხადებას ახლავს ნიკა გვარამიას, ელისო კილაძის, თამარ ჩერგოლეიშვილისა და სხვა პირების სხვადასხვა დროს გაკეთებული განცხადებებიც, რომელიც იუსტიციის საბჭომ სახალხო დამცველს, ჟურნალისტთა ეთიკის ქარტიას, კომუნიკაციების მარეგულირებელ კომისიასა და სამოქალაქო სექტორს გადაუგზავნა.
კანონპროექტი იუსტიციის საბჭოს წევრმა ევა გოცირიძემ მოამზადა.