ინციდენტი სპარსეთის ყურეში. ტელეკომპანია „ფოქს ნიუსის“ ცნობით, ამერიკული ავიამზიდი იძულებული გახდა კურსი შეეცვალა. ამის მიზეზი კი ირანული კატერი გახდა, რომელმაც ამერიკულ სამხედრო გემს გზა გადაუღობა. შეჯახების თავიდან ასაცილებლად ავიამზიდმა მიმართულება შეიცვალა. ამერიკული მხარე ირანს სპარსეთის ყურეში ხელოვნური წინაღობების შექმნაში მუდმივად ადანაშაულებს, თეირანი კი ვაშინგტონს სპარსეთის ყურიდან საზღვაო ძალების გაყვანისკენ მოუწოდებს.
