საფრანგეთი ფლობს მტკიცებულებებს, რომ 4 აპრილს, იდლიბის პროვინციაში ქიმიური შეტევისას ზარინის მომწამლავი გაზი გამოიყენეს, - ამის შესახებ ქვეყნის საგარეო საქმეთა მინისტრმა ჟან-მარკ ეირომ განაცხადა.
მისი ცნობით, არსებობს ინფორმაცია, რომელიც მიუთითებს, რომ აღნიშნული მომწამლავი ნივთიერება სირიაში მდებარე ლაბორატორიაში იყო წარმოებული.
მისივე თქმით, აღნიშნულზე პასუხისმგებლობა ბაშარ ალ ასადის რეჟიმს ეკისრება.
„არანაირი ეჭვები არ არსებობს იმასთან დაკავშირებით, რომ აღნიშნულზე პასუხისმგებლობა ბაშარ ალ ასადის რეჟიმს ეკისრება“, - აღნიშნა საფრანგეთის საგარეო მინისტრმა.
