„რეპორტიორები საზღვრებს გარეშე“ 2017 წლის „პრესის თავისუფლების მსოფლიო ინდექსს“ აქვეყნებს.
ინდექსის მიხედვით საქართველო, წინა წლის მსგავსად, 180 ქვეყანას შორის 27,76 ქულით 64-ე ადგილზეა.
ანგარიშში აღნიშნულია, რომ ბოლო წლების განმავლობაში საქართველოში მედიაგარემო გაუმჯობესდა, თუმცა ორგანიზაციის განცხადებით, პრობლემებად რჩება მედიის პოლარიზება და მედიამფლობელების გავლენა სარედაქციო საქმიანობაზე.
ორგანიზაციის ანგარიშში ნახსენებია რუსთავი 2-ის საქმე, რომლის ბედი, ავტორების აზრით, კარგი ტესტი იქნება ქვეყნის მედიაგარემოს შესაფასებლად.
ამავე ანგარიშის მიხედვით, პირველ ხუთეულში მოხვდა ნორვეგია, შვედეთი, ფინეთი,დანია და ჰოლანდია. ბოლო ადგილს კი ჩრდილოეთ კორეა იკავებს.
