ბათუმის მოვლენები კახა ბუხრაძესა და სუს-ის თანამშრომელს შორის დაპირისპირების შედეგია, - ამის შესახებ ბათუმის საპატრულო პოლიციის ყოფილმა თანამშრომელმა, გია ხალვაშმა განაცხადა.
როგორც გადაცემა "არჩევანში" საპატრულო პოლიციის ყოფილმა თანამშრომელმა აღნიშნა, პატრულსა და სუს-ის თანამშრომელს შორის მცირედი დაპირისპირების გამო, სუს-ის თანამშრომელი და მისი ძმა დააკავეს. თუმცა, მალევე გაათავისუფლეს და შეწყვიტეს ადმინისტრაციული წარმოება.
„კახა ბუხრაძემ ასეთი სიტყვებით განმარტა, რომ ერთი ამ აჭარელ თათრებს დამიხედე რას შვებიან, ამათ ჭკუას ვასწავლიო. ეს ფრაზა გაიგონა ერთ-ერთმა თანამშრომელმა, რის შემდეგ გავრცელდა ეს და ამის შემდეგ ეს გავრცელდა ქალაქში“, – განაცხადა გია ხალვაშმა.
მისივე თქმით, 11-12 მარტის აქციებზე გახმოვანებული ფრაზები, რომ გადადგეს პოლიციის უფროსი, კახა ბუხრაძეს უნდოდა, რომ თავიდან აეშორებინა. მან აქვე აღნიშნა, რომ თავად კახა ბუხრაძემ გაავრცელა ინფორმაცია, რომ მას სუს-ი უწყობდა ამ ამბებს.
„ამის შემდეგ ის საპატრულო პოლიციაში იწვევს თათბირს და აცხადებს, რომ გია ხალვაშმა რომ დააკავა ეს პირი, ხომ ხედავთ, როგორი შედეგი მოჰყვა, ცდილობდა ვიღაცაზე გადაბრალებას“, - განაცხადა გია ხალვაშმა.