იერუსალიმის ბერძენმა მართლმადიდებელმა პატრიარქმა თეოფილოს lll-მ აფხაზ და ოს მომლოცველებთან შეხვედრა დაადასტურა და განაცხადა, რომ მისთვის მიუღებელია ამგვარი შეხვედრისთვის პოლიტიკური სარჩულის მიცემა.
საქართველოს საგარეო საქმეთა სამინისტროს ინფორმაციით, ამის შესახებ პატრიარქმა ისრაელში საქართველოს ელჩთან პაატა კალანდაძესთან შეხვედრისას განაცხადა.
პატრიარქის განცხადებით, ის მათ შეხვდა როგორც ქრისტიანებს, რომლებიც მოსალოცად ჩავიდნენ ისრაელში წმინდა მიწაზე აღდგომის დღესასწაულზე.
"ჩემი მკაცრი პოზიცია არის, რომ მე არ ვერევი პოლიტიკაში. მე მათ შევხდი, როგორც ქრისტიანებს, რომლებიც მოსალოცად ჩამოვიდნენ ისრაელში წმინდა მიწაზე აღდგომის დღესასწაულზე. ამ პერიოდში, როგორც ჩემთვის ცნობილია ბევრი მომლოცველი ჩამოდის საქართველოდან და ვფიქრობ კარგია, როდესაც არსებობს შესაძლებლობა ადამიანები შეხვდნენ ერთმანეთს", - აღნიშნა თეოფილოს III-მ.
ცნობისთვის, 10 აპრილს გავრცელდა ინფორმაცია, რომ იერუსალიმის პატრიარქმა თეოფილოს III-მ იერუსალიმში აფხაზი მომლოცველები მიიღო და ე.წ. "აფახაზეთის მთავრობა" დალოცა.