„ვფიქრობთ, რომ საკმაოდ გაუჭირდებათ ვენეციის კომისიის წინააღმდეგ წასვლა“,- ამის შესახებ „ევროპული საქართველოს“ წევრმა, აკაკი ბობოხიძემ „ჯი-ეიჩ-ენთან“ საუბარისას განაცხადა.
მისი თქმით, სტრასბურგში ვენეციის კომისიასთან შესახვედრად წასული მისი თანაპარტიელები მაქსიმალურად ეცდებიან გამოიყენონ ყველა ბერკეტი, რომ გავლენა მოახდინონ საკონსტიტუციო ცვლილებებში შესწორებების შესატანად.
„იმედი ბევრი რამისა არა გვაქვს ხოლმე, მაგრამ მცდელობა არ უნდა დავაკლოთ. ვენეციის კომისია ერთერთი მათავარი ბერკეტია, რომლის იმედიც გვაქვს. ამგვარად ჩვენ შევძლებთ საკონსტიტუციო ცვლილებებზე მხარდაჭერის მოპოვებას“- განაცხადა ბობოხიძემ „ჯი-ეიჩ-ენთან“.
შეგახსენებთ, რომ დღეს ვენეციის კომისიასთან საკონსტიტუციო კომისიის წევრთა შეხვედრა გაიმართება. სტრასბურგში იმყოფებიან როგორც მმართველი პარტიის, ასევე ოპოზიციის წარმომადგენლები. ისინი კომისიის ხელმძღვანელს პროექტის დეტალებს გააცნობენ და რეკომენდაციებს მიიღებენ.