„საგადასახადო კოდექსში“ შესატანი ცვლილებები ეხება სამშენებლო სექტორსაც. კერძოდ, დაუსრულებელი მშენებლობებისთვის დაწესებული საგადასახადო შეღავათები 2 წლით გახანგრძლივდება.
პრემიერ-მინისტრის გიორგი კვირიკაშვილის ინფორმაციით, 2017 წლის ბოლომდე 65 მლნ აშშ დოლარის ინვესტიციის მშენებლობის დასრულება იგეგმება და ეს შეღავათები ხელს შეუწყობს დაუსრულებელი მშენებლობის განახლებას და დაზარალებული მოქალაქეების დაკმაყოფილებას.
პრემიერმა აღნიშნა, რომ ყველა ეს ცვლილება შემუშავდა ბიზნესსექტორთან ძალიან მჭიდრო თანამშრომლობით და მადლობა გადაუხადა ყველას, ვინც ჩართული იყო ცვლილებებზე მუშაობის პროცესში - უპირველეს ყოვლისა, კერძო სექტორის წარმომადგენლებსა და ასოციაციებს.