„საგადასახადო კოდექსში“ შესატანი ცვლილებები შიდა ავიაციის სტიმულირებასაც ითვალისწინებს. კანონპროექტი დღეს მტავრობამ უკვე განიხილა და უახლოეს დღეებში ის დასამტკიცებლად საკანონმდებლო ორგანოს გადაეგზავნება.
„ამისთვის ჩვენ დღგ-სადა აქციზისგან ვათავისუფლებთ საავიაციო საწვავის იმ ნაწილს, რომელიც შიდა ავიაციისთვის იქნება განკუთვნილი ბორტზე მისაწოდებლად, ასევე - სხვადასხვა საჰაერო გადაყვანა-გადაზიდვასთან დაკავშირებული მომსახურებების გაწევას“, - განაცხადა პრემიერ-მინისტრმა გიორგი კვირიკაშვილმა.
გიორგი კვირიკაშვილის შეფასებით, ცვლილება მიზნად ისახავს ტურიზმის ხელშეწყობას, ვინაიდან შიდა ავიაცია ძირითადად სუბსიდირებადი დარგია და ამ მიმართულებით საჭიროა განსაკუთრებული სტიმულები, რათა შიდა მიმოსვლა მაქსიმალურად გამარტივდეს.