მეორე ტურში გამარჯვებაში დარწმუნებული ვარ, - ამის შესახებ პარტია ეროვნული ფრონტის ულტრა-მემარჯვენე ლიდერმა მარინ ლე პენმა განაცხადა.
როგორც საფრანგეთის პრეზიდენტობის კანდიდატმა აღნიშნა, მაკრონი სუსტია და მას ისლამურ ტერორიზმთან ბრძოლის სათანადო პროგრამა არ გააჩნია.
მისივე თქმით, ეს არჩევნები რეფერენდუმია გლობალიზაციის დაშვების შესახებ.
"ჩვენ არჩევნების შედეგებით იმედგაცრუებული არ ვართ. მყარ პოზიციებზე ვრჩებით. მეორე ტურში გამარჯვებაში დარწმუნებული ვარ. მაკრონი სუსტია, მას ისლამურ ტერორიზმთან ბრძოლის სათანადო პროგრამა არ გააჩნია. ეს არჩევნები ფაქტობრივად რეფერენდუმია გლობალიზაციის დაშვების შესახებ. ამ საკითხზე ფრანგებმა ცხადი და ცალსახა არჩევანი უნდა გააკეთონ. დარწმუნებული ვარ, რომ ფრანგების უმრავლესობა გლობალიზაციის წინააღმდეგია", - განაცხადა ლე პენმა.