მეორე ტურში ხმას ემანუელ მაკრონს მივცემ, - ამის შესახებ საფრანგეთის პრეზიდენტმა ფრანსუა ოლანდმა განაცხადა.
politico.eu-ს ინფორმაციით, ოლანდი მიიჩნევს, რომ ულტრამემარჯვენეების ყოფნა სარისკოა საფრანგეთისთვის. მისი თქმით, ამგვარი რისკის წინაშე შეუძლებელია ჩუმად იყო. როგორც ოლანდმა აღნიშნა, მაკრონი დღეს იმ ღირებულებებს იცავს, რომლებიც ფრანგების გაერთიანებას უზრუნველყოფს.
"მე ხმას ემანუელ მაკრონს მივცემ. ემანუელ მაკრონი ის ადამიანია, რომელიც დღეს იმ ღირებულებებს იცავს, რომლებიც ფრანგების გაერთიანებას უზრუნველყოფს. ჩემი ვალდებულებაა კიდევ ერთხელ განვსაზღვრო, თუ რა დევს ფსონზე. ულტრამემარჯვენეების ყოფნა სარისკოა ჩვენი ქვეყნისთვის. ამგვარი რისკის წინაშე შეუძლებელია ჩუმად იყო. ფსონზე ჩვენი ერის ერთიანობა დევს", - განაცხადა პრეზიდენტმა "ელისეს" სასახლეში.