საფრანგეთის საპრეზიდენტო არჩევნების პირველი ტურის შედეგებს ოფიციალური მოსკოვი აფასებს. საგანგებო განცხადება კრემლის პრეს-მდივანმა დიმიტრი პესკოვმა გააკეთა. მისი თქმით, რუსეთის ხელისუფლება ფრანგი ხალხის არჩევანს პატივს სცემს და ნებისმიერ შემთხვევაში საფრანგეთთან ურთიერთობის გაღრმავებით იქნება დაინტერესებული. არჩევნების პირველი ტური ემანუელ მაკრონისა და მარინ ლე პენის გამარჯვებით დასრულდა. მეორე ტური 7 მაისს გაიმართება.
