"ნაციონალური მოძრაობის" წევრი ნიკა რურუა პარლამენტში შესატან საკონსტიტუციო ცვლილებების პაკეტზე საუბრობს და აცხადებს, რომ ამ დოკუმენტის არ გასატანად მთელი საზოგადოება უნდა დაირაზმოს. რურუას განცხადებით, დოკუმენტში უამრავი აბსურდული ჩანაწერია რაც ქვეყნის თავისუფლებას ხელს შეუშლის.
"სახალხო განხილვა ნიშნავს იმას, რომ მთელი საზოგადოება უნდა დაირაზმოს ამ ყოვლად უვარგისი დოკუმენტის არ გასატანად. ეს არის ცუდი კონსტიტუცია, აქ მთლიანად გამოშიგნულია პრეზიდენტის ინსტიტუტი, აქ ხალხს წართმეული აქვს პრეზიდენტის არჩევის უფლება, აქ გამარჯვებულს მიაქვს ოპოზიციისთვის მიცემული ხმები, აქ არის უამრავი აბსურდული რაღაცა რაც არ უნდა გავიდეს თუ გვინდა თავისუფალი ქვეყანაში ცხოვრება", - განაცხადა ნიკა რურუამ "რუსთავი 2"-თან. .
