ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით და ავიაკომპანია „Wizz Air“ -ის მხარდაჭერით კვიპროსის პოპულარული ტელევიზიების, ბეჭდური მედიისა და ტურისტული კომპანიების წარმომადგენლები საქართველოს სხვადასხვა რეგიონს ეწვივნენ. 8 დღის განმავლობაში ინფო და პრესტურის 8 მონაწილემ თბილისის, მცხეთის, ბორჯომის, ქუთაისის, წყალტუბოს, სტეფანწმინდის, ყვარლისა და სიღნაღის ტურისტული ღირსშესანიშნაობები დაათვალიერა. ჟურნალისტებმა და ტუროპერატორებმა მოინახულეს გელათი, მოწამეთა და პრომეთეს მღვიმე. კახეთში სტუმრობისას ეწივნენ მარნებს და დააგემოვნეს ტრადიციული წესით დაყენებული ღვინო. ტურის ფარგლებში გაეცნენ სამთო კურორტებს. ინფოტური კვიპროსში საქართველოს საელჩოს შუამდგომლობით მოეწყო.
ინფოტურის მიზანია საქართველოს ტურისტული პოტენციალის პოპულარიზაცია და ცნობადობის გაზრდა კვიპროსში, ასევე მგზავრთა ნაკადის გაზრდა. ავიაკომპანია „Wizz Air“ -მა ქუთაისიდან კვიპროსის ქალაქ ლარნაკის მიმართულებით პირდაპირი ავიამიმოსვლა 2016 წლის სექტემბრიდან დაიწყო.
