თარიღი    დრო

საქართველო-რუსეთის კონფლიქტის მიუხედავად, ამ ქვეყანას აქვს სტაბილური ეკონომიკური და საგარეო პოლიტიკა - ვიქტორ ორბანი

საქართველო, თბილისი - 14:12 04.21.2017 147

საქართველო-რუსეთს შორის არსებული კონფრონტაციის მიუხედავად, ამ ქვეყანას აქვს სტაბილური ეკონომიკური და საგარეო პოლიტიკა და ამ მხრივ არ არის პრობლემა თქვენი ბიზნესაქტივობისთვის, - ასე მიმართა ბიზნეს ფორუმის მონაწილე უნგრეთის დელეგაციის წევრებს უნგრეთის პრემიერ-მინისტრმა ვიქტორ ორბანმა.


"მინდა, უნგრეთის დელეგაციას გავუზიარო ჩემი პერსონალური შეხედულება და დავარწმუნო, რომ თქვენი ქვეყანა ნამდვილად სტაბილურია. საქართველოს მთავრობა ატარებს მთელ რიგ რეფორმებს - ბიუროკრატიის შემცირებისა და განათლების სისტემის ფორმაციის ჩათვლით. ჩვენ უნგრეთში რეგულარულად ვიღებთ ინფორმაციას საქართველო-რუსეთის კონფლიქტის შესახებ. უნგრეთი მხარს უჭერს საქართველოს ტერიტორიულ მთლიანობას. მაგრამ ნება მომეცით გითხრათ, რომ ეკონომიკის ოპერირება ამ კონფლიქტზე საერთოდ არ არის დამოკიდებული. საქართველო-რუსეთს შორის არსებული კონფრონტაციის მიუხედავად, ამ ქვეყანას აქვს სტაბილური ეკონომიკური და საგარეო პოლიტიკა და ამ მხრივ არ არის პრობლემა თქვენი ბიზნესაქტივობისთვის",- მიმართა ორბანმა უნგრელ ბიზნესმენებს.

ვიქტორ ორბანმა საქართველო-უნგრეთის პოლიტიკური და ეკონომიკური კავშირების გარდა, კულტურულ ურთიერთობებზეც გააკეთა აქცენტი. უნგრეთის პრემიერის თქმით, საქართველოში ვიზიტის მომზადებისას აღმოაჩინა რამდენიმე სიტყვა, რომელიც ორივე ენაში ერთნაირია, მაგ შორის, ხიდი და თეფში.

ვიქტორ ორბანმა ასევე გამოხატა მხარდაჭერა საქართველოს ევეოინტეგრაციის პროცესისა და ვიზალიბერალიზაციისადმი. 

,,ევროკავშირის კარი ყოველთვის უნდა იყოს ღია იმ ქვეყნებისთვის, რომლებიც ცდილობენ დაუახლოვდნენ ევროკავშირს. უვიზო მიმოსვლის სტატუსი არის ძალიან მნიშვნელოვანი და სწორედ საქართველოდან ევროპაში ჩასული სტუდენტები გამოიყენებენ ამ თავისუფლებას. ჩვენ ძალიან მოხარულები ვართ, რომ ეს ხორციელდება. უნგრეთი ყოველთვის ენთუზიაზმით უდგება ევროკავშირის გაფართოებას. ჩვენთვის დიდი პატივია, რომ საქართველო არის ჩვენი მეგობარი ქვეყანა,"- განაცხადა ვიქტორ ორბანმა. 




dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 77.7%
შემცირდა 18.8%
არ შეცვლილა 3.5%