თარიღი    დრო

ბიზნეს ფორუმი საქართველო-უნგრეთის ძლიერ პოლიტიკურ ურთიერთობებს ძლიერ ეკონომიკურ თანამშრომლობად გარდაქმნის - გიორგი კვირიკაშვილი

საქართველო, თბილისი - 13:55 04.21.2017 83

საქართველო უნგრეთს მნიშვნელოვან სავაჭრო პარტნიორად განიხილავს- ეს განცხადება პრემიერ-მინისტრმა გიორგი კვირიკაშვილმა უნგრეთ-საქართველოს ბიზნეს ფორუმზე სიტყვით გამოსვლისას გააკეთა. 

კვირიკაშვილი დარწმუნებულია, რომ ბიზნეს ფორუმი ორი ქვეყნის ძლიერ პოლიტიკურ ურთიერთობებს ძლიერ ეკონომიკურ თანამშრომლობად გარდაქმნის. პრემიერმა საქართველოში უნგრული ბიზნესი საუკეთესო მაგალითად ავიაკომპანია „ვიზეარის“ საქმიანობა დაასახელა. პრემიერის განმარტებით, საქართველო ინვესტორებს საუკეთესო ბიზნეს გარემოს სთავაზობს და ინვესტიციების შესაძლებლობებისთვის მოწინავე ქვეყანაა. კვირიკაშვილის განცხადებით, მთავრობა მოგების გადასახადის გადახედვას ინვესტორების მოსაზიდად გეგმავს.

უნგრეთის პრემიერ-მინისტრმა ვიქტორ ორბანმა უნგრელ ბიზნესმენებს მოუწოდა, საქართველოსა და რუსეთს შორის არსებული კონფლიქტის მიუხედავად, საქართველო ინვესტორებისთვის სანდო ქვეყანად აღიქვან. მისი თქმით, ეკონომიკური ოპერირება ამ კონფლიქტებზე დამოკიდებული არ არის. უნგრეთის პრემიერის განმარტებით, უნგრეთი საქართველოს ტერიტორიულ მთლიანობას და ევროატლანტიკურ სტრუქტურებში ინტეგრაციას მხარს უჭერს. მისი თქმით, საქართველო უნგრეთისთვის საუკეთესო მაგალითია, რომელმაც ქვეყნის განვითარებისთვის მნიშვნელოვან რეფორმებს ატარებს. 

დღესვე გახდა ცნობილი, რომ ქართველი სტუდენტებისთვის განკუთვნილი სტიპენდიების მოცულობა იზრდება და 50 სტუდენტის ნაცვლად უნგრეთში სწავლას 80 ქართველი სტუდენტი შეძლებს.

ბიზნეს ფირუმი დილიდან მიმდინარეობს და მასში 47 უნგრული და 60-ზე მეტი ქართული კომპანია მონაწილეობს.




dRis siaxleebi

ყველა სიახლის ნახვა

სარეკლამო ბანერი (250px)
სარეკლამო ბანერი (250px)
სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 73%
შემცირდა 22.9%
არ შეცვლილა 4.1%