ვენესუელაში პოლიციასა და დემონსტრანტებს შორის შეტაკებები გრძელდება. სამართალდამცველებმა ანტისახელისუფლო აქცია კიდევ ერთხელ დაარბიეს. ოპოზიციის ინფორმაციით, მასობრივი არეულობებისას 223 ადამიანი დაშავდა. რამდენიმე მათგანის მდგომარეობა მძიმეა. მასშტაბური საპროტესტო აქციები ვენესუელაში 4 აპრილიდან ტარდება. ოპოზიცია პოლიტიკური პატიმრების გათავისუფლებას და ვადამდელ არჩევნებს ითხოვს.
