ჩრდილო-ატლანტიკური ალიანსის ოპერაციის ფარგლებში ესტონეთში რუსეთის საზღვართან ახლოს ბრიტანული ბატალიონი განლაგდა. ესტონეთის თავდაცვის მინისტრის განცხადებით, გაერთიანებული ოპერატიული ჯგუფი, რუსეთის აგრესიისგან ბალტიის ქვეყნების და პოლონეთის დაცვას ისახავს მიზნად. ბრიტანულ ბატალიონს უახლოეს მომავალში ფრანგი სამხედროებიც შეუერთდებიან. ესტონეთში, პოლონეთში, ლიტვასა და ლატვიაში დამატებითი სამხედრო კონტიგენტის განთავსების შესახებ გადაწყვეტილება ჩრდილო-ატლანტიკურ ალიანსში გასული წლის ზაფხულში მიიღეს.