ნებისმიერი ობიექტური შემფასებლისთვის პრეზიდენტის განცხადება არასწორი იქნებოდა, - განაცხადა საქართველოს პარლამენტის ვიცე-სპიკერმა, თამარ ჩუგოშვილმა გიორგი მარგველაშვილის მიერ საკონსტიტუციო ცვლილებებთან დაკავშირებით გაკეთებულ შეფასებასტან დაკავშირებით. მისი თქმით, საპარლამენტო რესპუბლიკაში პრეზიდენტის არაპირდაპირი წესით არჩევა სრულიად ნორმალურია და ეს საფრთხეს არაფერს არ უქმნის.
„ასეთი რესპუბლიკები ყველაზე დემოკრატიულები არიან. შესაბამისად, ნებისმიერი ობიექტური დამკვირვებლისთვის და შემფასებლისთვის პრეზიდენტის ეს განცხადება არასწორი იქნებოდა. ჩვენ ნათქვამი გვაქვს, რომ მზად ვართ, პრეზიდენტის პირდაპირი არჩვნების ჩატარება ერთი ვადით მოხდეს, ხოლო შემდეგ - არაპირდაპირი წესით. გარდამავალ მუხლში ჯერ კიდევ გველოდება ცვლილებების შეტანა“, - განაცხადა ჩუგოშვილმა.
გიორგი მარგველაშვილმა საქართველოს პრეზიდენტის არჩევის ახალ წესზე დღეს ბათუმში, სტუდენტებთან შეხვედრაზე ისაუბრა. "კონსტიტუციის ახალი ვერსიით, ხალხის ნათლად გამოხატული ნება, აირჩიოს ქვეყნის პრეზიდენტი, უგულებელყოფილია და არა საზოგადოება, არა ჩვენ, არა მოქალაქეები ავირჩევთ პრეზიდენტს, არამედ გარკვეული სხვა წესით 300 ე.წ. ხმოსანი",-აღნიშნა გიორგი მარგველაშვილმა.