ე.წ. ციადინის საქმეზე პროკურატურის გადაწყვეტილებაზე საჩივარს ადამიანის უფლებათა ცენტრი ევროპულ სასამართლოში სავარაუდოდ დღეს გადააგზავნის. საუბარია ადვოკატების გაუთქმელობის პირობაზე, რომლის გამოც ისინი საქმის დეტალზე კვლავ ვერ საუბრობენ.
დაცვის მხარის მტკიცებით, ციანიდის საქმე მამა გიორგი მამალაძის მიმართ განხორცილებული პროვოკაციაა და ამ პროცესში - მათივე თქმით, პროკურატურის გარდა სხვა ძალოვანი უწყებები მონაწილეობენ. ,,რუსთავი 2 - ის“ ინფორმაციით, მინიშნებები კეთდება სუს-ზე. ადვოკატებმა დღის ბოლოს დაკავებული დეკანოზი ციხეში მოინახულეს.
„ციანიდი მამა გიორგის თან არ ჰქონდა იმიტომ, რომ მას არ შეუძენია. აღნიშნული ნივთიერება მისთვის ჩადებულ იქნა. არსებობს სასამართლოს განჩინება, რომლითაც სახელმწიფო უსაფრთხოების სამსახურის შესაბამის სამსახურს მიეცა შუამდგომლობის საფუძველზე პროკურატურასთან ერთად განეხორციელებინა ფარული აუდიო ვიდეო ჩანაწერების განხორციელება და შესაბამისად ესთვალთვალიც არის და მიმდინარეობდა მიყურადება,“-განაცხადა ,,რუსთავი 2“ - თან საუბარში მიხეილ რამიშვილმა.