„კეთილმეზობლური დამოკიდებულება უნდა გამოვიყენოთ კავშირის აღსადგენად, ყოველგვარი აჯაფსანდალის გარეშე“- განაცხადა ექსპერტმა სოსო ცისკარიშვილმა „ჯი-ეიჩ-ენთან.
მან ოკუპირებულ აფხაზეთთან მიმართემაში საქართველოს მიერ გადასადგმელ ნაბიჯებზე ისაუბრა.
„ახლა ქართულმა საზოგადოებამ უნდა იკისროს ძირითადი როლი ოკუპირებულ ტერიტორიებზე მაცხოვრებლებთან აქტიური კომუნიკაციისთვის. არსებული ურთიერთობა და კეთილმეზობლური დამოკიდებულება უნდა გამოვიყენოთ კავშირის აღსადგენად, ყოველგვარი აჯაფსანდალის გარეშე. მხოლოდ მას შემდეგ, რაც ასეთი დისკურსიები გაიმართება თბილისსა და სოხუმში, თუკი მოსახლეობისთვის საინტერესო იქნება, შეგვიძლია ვისაუბროთ კომუნიკაციების სხვადასხვა სფეროზე, ერთმანეთის მტრულად წარმოჩენა ვნებს სოხუმსაც, თბილისსაც და კონტროლს უბრუნებს მხოლოდ მოსკოვს“,- განაცხადა ექსპერტმა სოსო ცისკარიშვილმა „ჯი-ეიჩ-ენთან“ საუბარში.
ცისკარიშვილის თქმით, ოკუპირებული ტერიტორიებისათვის საეთერო დრო უნდა იყოს გამოყოფილი ტელევიზიაში, რათა მოსახლეობამ უკეთ შეიცნოს და გაიცნოს იქაური მოვლენები.
„თუმცა მანამდე ჩვენ თავად უნდა ვეცდოთ კომუნიკაციების აღდგენას. საეთერო დრო უნდა იყოს გამოყოფილი ტელევიზიაში, რათა ჩვენ შევძლოთ სინამდვილის გაგება მათ შესახებ. აფხაზებიც შეძლებენ ჩვენს რეალობას გაეცნონ, საქართველოს იმ მოქალაქეებთან, რომლებიც დადებითად არიან განწყობილნი აფხაზების მიმართ“,-განაცხადა ცისკარიშვილმა „ჯი-ეიჩ-ენთან“.
