სილვესტერ სტალონე კინოკომპანია Warner Bros-ს სასამართლოში უჩივის. მსახიობი ირწმუნება, რომ 1993 წელს გადაღებული ფილმის, „გამანადგურებლის“ შემოსავლიდან მას პროცენტები დაუმალეს. სასამართლოში სტალონემ კონტრაქტიც წარმოადგინა, რომლის მიხედვითაც თუ ფილმის შემოსავალი 125 მილიონს გადააჭარბებდა, მას 15 პროცენტი უნდა მიეღო. მსახიობი ირწმუნება, რომ ფილმის მოგებამ 160 მილიონს გადააჭარბა.
