საქართველოს პარლამენტში დღეს ორგანიზაცია "ღირებულებათა ინსტიტუტის" პრეზენტაცია გაიმართა.
ორგანიზაცია ინსტიტუტ ჯონ სმიტის სტიპენდიანტებმა დააფუძნეს, რომლის მიზანია, ხელი შეუწყოს საზოგადოებაში სამოქალაქო ინფორმირებულობის ამაღლებას, საზოგადოებასა და ხელისუფლებას შორის გამჭვირვალე თანამშრომლობის ფორმების დანერგვას. ასევე გადაწყვეტილებების მიღების პროცესში ადგილობრივ საზოგადოების ჩართულობის ტრადიციის გამტკიცებას და დემოკრატიული ღირებულებებისა და ფასეულობების პოპულარიზაციას და ფართიდ გავრცელებას.
"ღირებულებათა ინსტიტუტის" მრჩეველთა საბჭოში პარლამენტის წევრები დიმიტრი ლორთქიფანიძე და რამინ ბაირამოვი შედიან.
როგორც დღევანდელ პრეზენტაციაზე ორგანიზაციის საქმიანობაში ჩართულმა დეპუტატებმა განაცხადეს, ისინი "ღირებულებათა ინსტიტუტს" საქმიანობის განვითარებასა და მიზნების რეალიზაციაში დაეხმარებიან. მათ შორის საჭირო საკანონმდებლო ინიციატივების განხორციელების კუთხით.