უვიზო რეჟიმის წესების დამრღვევებს დეპორტაციასთან ერთად, 3 000 ევროს ოდენობის ჯარიმაც დაეკისრებათ.
საგარეო საქმეთა მინისტრის განმარტებით, ჯარიმა ეკისრებათ იმ შემთხვევაში, თუ დაირღვევა ვადები, თუ მოხდება უვიზო რეჟიმის გამოყენება იმისთვის, რისთვისაც დანიშნული არ არის.
,,თუ დაირღვევა ვადები და მოხდება დეპორტაცია, ამ შემთხვევაში პირს აეკრძალება 5 წლის ვადით შენგენის ზონაში დაბრუნება. ეს საკმაოდ დიდი სასჯელია, როგორც ფინანსური, ასევე იმ თვალსაზრისით, რომ ვერ დაბრუნდები ევროკავშირში და შენგენის ზონაში”, - განაცხადა მიხეილ ჯანელიძემ.
