გადაცემა "ხალხის პოლიტიკაში" ერთმანეთს "ქართული ოცნების" წევრი ლევან გოგიჩაიშვილი და "ევროპული საქართველოს" ერთერთო ლიდერო, ოთარ კახიძე დაუპირისპირდნენ. კახიძე სასამართლოს მიმართ გაჟღერებულ ბრალდებებს გამოეხმაურა და ხელისუფლებას ბრალი სისტემაში კორუფციის დაბრუნებაში დასდო.
„ახლა მოვდივარ საერთაშორისო ფორუმიდან, სადაც ბიზნესმენები დაუფარავად საუბრობდნენ, რომ სასამართლო სისტემაში დაბრუნდა კორუფცია. ამავე დროს საზოგადოებას მინდა გავახსენო შევეიცარიის ელჩის 2015 წლის განცხადება, როდესაც მან ღიად ისაუბრა სასამართლო სისტემაში მექრთამეაობაზე და კორუფციაზე. ეს არის შევარდნაძის დროინდელი სასამართლო სისტემაში დაბრუნება.
სასამართლო სისტემა რომელიც ჩაბარდა ხელისუფლებას ინფრასტრუქტურულად იყო გამართული. არ იყო ხელფასის პრობლემა ინფრასტრუქტურული პრობლემები. ინსტიტცუინალურად მოწესრიგებული იყო მეტ-ნაკლებად, მაგრამ ლოიალურობა იყო სისხლის სამართლის ხელისუფლების მიმართ. პროკურატურის მიმართ იყო ლოიალური. ეს სიგნალები საგანგაშოა. ამ კონფერენციაში მონაწილეობის სურვილიც კი არ ინება იუსტიციის სამინისტროს წარმომადგენელმა. ხელისუფლება პრობლემის არსებობას არ აღიარებს და თუ არ აღიარებს, ვერც გამოასწორებს“, - განაცხადა ოთარ კახიძე.
უმრავლესობა უარყოფს გამოთქმულ სასამართლოს მიმართ გამოთქმულ პრეტენზიებს, მათი თქმით ეს გამიზნული ცილისწამებაა.
„ვიღაცა ადამიანი კონკრეტული ფაქტების გარეშე ამბობდნენ რაღაცას, განსაკუთრებით ისეთი ადამიანები, რომლებიც ამბობენ, რომ „ჩვენ ვართ პასუხისმგებლობის მქონე ოპოზიცია და ჩვენ იმიტომ კი არ ვაკრიტიკებთ ხელისუფლებას, რომ აქედან ჩვენ რაღაცა სარგებელის მიღება გვინდა, არამედ მათ ჩვენ ვეხმარებით“. სად ჩანს ეს, რომელ რიტორიკაში ჩანს? ასე ხელაღებით იძახდე, ან ვიღაცის ნათქვამს იმეორებდე, რომ სადღაც გაჩნდა კორუფცია და თან არც იმ ადამიანის სახელს და გვარს ამბობდე, არც კონკრეტულ ფაქტებს ამბობდე...
ეს პასუხისმგებლობის მქონე პარტიის პოლიტიკა არ არის. ეს ჩასაფრებული პოლიტიკაა, ჩემს კოლეგას ბატონ ოთარს (კახიძეს) თუ აქვს ფაქტები, თქვას. ბატონო ოთარ ეს ძალიან მძიმე დანაშაულია თუ თქვენ იცით რაიმე დანაშაულის შესახებ და მას მალავთ ეთერში და მხოლოდ იმის გამო ამბობთ რომ ოცნების ხელისუფლების დროს გაჩნდა კორუფცია. ეს არის ზღაპარი. გაქვთ კონკრეტული ფაქტი? თქვით! ვინც დასაჯელია, დაისჯება“, - განაცხადა ლევან გოგიჩაიშვილმა.