„ევროპული საქართველოს“ ერთ-ერთმა ლიდერმა ოთარ კახიძემ ტელეკომპანია „პირველის“ ეთერში სასამართლოს მიმართ გაჟღერებულ ბრალდებებზე ისაუბრა.
„ახლა მოვდივარ საერთაშორისო ფორუმიდან, სადაც ბიზნესმენები დაუფარავად საუბრობდნენ, რომ სასამართლო სისტემაში დაბრუნდა კორუფცია. ამავე დროს საზოგადოებას მინდა გავახსენო შევეიცარიის ელჩის 2015 წლის განცხადება, როდესაც მან ღიად ისაუბრა სასამართლო სისტემაში მექრთამეაობაზე და კორუფციაზე. ეს არის შევარდნაძის დროინდელი სასამართლო სისტემაში დაბრუნება.
სასამართლო სისტემა რომელიც ჩაბარდა ხელისუფლებას ინფრასტრუქტურულად იყო გამართული. არ იყო ხელფასის პრობლემა ინფრასტრუქტურული პრობლემები. ინსტიტცუინალურად მოწესრიგებული იყო მეტ-ნაკლებად, მაგრამ ლოიალურობა იყო სისხლის სამართლის ხელისუფლების მიმართ. პროკურატურის მიმართ იყო ლოიალური. ეს სიგნალები საგანგაშოა. ამ კონფერენციაში მონაწილეობის სურვილიც კი არ ინება იუსტიციის სამინისტროს წარმომადგენელმა. ხელისუფლება პრობლემის არსებობას არ აღიარებს და თუ არ აღიარებს, ვერც გამოასწორებს“, - განაცხადა ოთარ კახიძე.
შეგახსენებთ, რომ საერთაშორისო სავაჭრო პალატის პრეზიდენტი ფადი ასლი სასამართლოს კორუფციაში ადანაშაულებს. მისი თქმით, მოსამართლე ვლადიმერ კაკაბაძის მიერ ბიზნესმენების რამდენიმე ასეული მილიონით დაჯარიმება კორუფციაზე მიუთითებს.