,,ბავშვთა სამყაროს“ ხანძრის შედეგად დაზარალებული მანანა გერგედავა უარყოფს ინფორმაციას, რომ მათ დაემურნენ თითქოს თუ აქციებს არ შეწყვედტნენ, 3000-ლარიან კომპენსაციას ვერ მიიღებდნენ.
„ჯი-ეიჩ-ენთან“ საუბარში გერგედავა ამბობს, რომ დღეს სატელეფონო საუბარი ჰქონდა თბილისის საკრებულოს წევრ რიმა ბერაძესთან, რომლისგანაც გარკვეული ინფორმაცია მოისმინა, თუმცა არანაირ ზეწოლასა და მუქარას ადგილი არ ქონია.
„ცრუ ინფორმაციები ვრცელდება. დღეს მქონდა კომუნიკაცია ქალბატონ რიმა ბერაძესთან, რომელმაც ამიხსნა, რომ კომპენსაცია იქნებოდა 3000 ლარი და რომ მუნიციპალიტეტს სხვა საშუალება არ აქვს. მეც იგივე ინფორმაცია გადავეცი სხვებს და ვინ როგორ გაიგო ეს უკვე არ ვიცი. კიდევ ერთხელ ვაფიქსირებ, რომ არანაირ მუქარას და ზეწოლას ადგილი არ ქონია“, - აცხადებს „ჯი-ეიჩ-ენთან“ საუბარში მანანა გერგედავა.
შეგახსენებთ, რომ ,,ბავშვთა სამყაროს“ ხანძრის შედეგად დაზარალებულებმა აშშ-ს საელჩოსთან აქცია გამართეს. მათი თქმით, საკრებულოს დეპუტატმა რიმა ბერაძემ განუცხადა, რომ თუ აქციებს არ შეწყვეტენ, საკრებულოსგან დაპირებულ 3000 ლარსაც ვეღარ მიიღებენ.
აქციის მონაწილეეები ხელისუფლებასთან შეუამდგომლობას აშშ-ის ელჩისგან მოითხოვენ და აცხადებენ, რომ ზარალის სრულ ანაზღაურებამდე პროტესტს გააგრძელებენ. აშშ-ის საელჩოსთან დღეს ისინი ინგლისურენოვანი ტრანსპარანტებით და ხელბორკილებით მივიდნენ.
