კორუფციას პროტესტს უცხადებენ ბრაზილიაში. მასობრივი საპროტესტო მსვლელობები რიო დე ჟანეიროსა და სან-პაულოში გაიმართა. კორუფციული სკანდალის ცენტრში კომპანია პეტრობრაზი 2014 წელს აღმოჩნდა. როგორც გაირკვა, კომპანიის ხელმძღვანელები სოლიდურ თანხებს ითვისებდნენ და ხელისუფლების მაღალჩინოსნებსა და პოლიტიკოსებს ქრთამის სახით უხდიდნენ. თაღლითური სქემის ავტორებმა სახელმწიფო 4 მილიარდი დოლარით აზარალეს.