ნოვრუზის (ახალი წლისა და გაზაფხულის დადგომის აღსანიშნავი დღესასწაული ირანში, შუა აზიისა და ამიერკავკასიის ქვეყნებში) სადღესასწაულო პერიოდში, რომელიც წელს 17 მარტიდან 4 აპრილამდე გრძელდება, ირანიდან საქართველოს მიმართულებით და პირიქით, დამატებით 129 ჩარტერული რეისი დაინიშნა.
საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მიერ შემდეგი ნებართვები გაიცა:
ავიაკომპანია “Georgian Airways” – 23 ჩარტერული რეისი;
ავიაკომპანია „Taban Airlines“ – 23 ჩარტერული რეისი;
ავიაკომპანია „ATA Airlines“ – 14 ჩარტერული რეისი;
ავიაკომპანია „Qeshm Airlines“ – 11 ჩარტერული რეისი;
ავიაკომპანია „Zagros Airlines“ – 46 ჩარტერული რეისი;
ავიაკომპანია „Kish Air“ – 8 ჩარტერული რეისი;
ავიაკომპანია „Iran Aseman Airlines“ – 4 ჩარტერული რეისი.
რეისების უმეტესობა ორი ქვეყნის დედაქალაქებს შორის ხორციელდება. სხვა დანიშნულების პუნქტებია: ბათუმი, თავრიზი, მაშადი, შირაზი. ფრენები მთლიანად ტურისტული ჯგუფების ტრანსპორტირებაზეა ორიენტირებული.