ბერძნულმა სანაოსნო კომპანიამ შესაძლოა ოდესა-ბათუმის მარშრუტზე დაიწყოს ოპერირება. აღნიშნულის შესახებ ინფორმაცია უკრაინულ მედიაში უკვე გავრცელდა. როგორც ირკვევა უკრაინაში საბერძნეთის ელჩმა გეორგიოს პუკამისასმა ოდესის მხარის გუბერნატორთან მაქსიმ სტეპანოვთან შეხვედრისას განაცხადა.
ოდესის მხარის სახელმწიფო ადმინისტრაციაში განმარტავენ, შეხვედრისას გაცხადდა, რომ ოდესა-ბათუმის მარშრუტზე ბერძნული სანაოსნო კომპანიის მიერ ოპერირების დაწყება მაღალ დონეზე განიხილება.
აღნიშნილ შეხვედრაზე მხარეებმა სხვა მიმდინარე საკითხებთან ერთად საბერძნეთსა და ოდესის მხარეს შორის მჭიდრო თანამშრომლობის პერსპექტივებზეც იმსჯელეს.