თბილისის მერი დავით ნარმანია „ბავშვთა სამყაროს“ დაზარალებულ მოვაჭრეებს პასუხობს. მისი თქმით, საკრებულოს ამ ეტაპზე მეტის შესაძლებლობა არ აქვს.
„დედაქალაქის საკრებულომ საკმაოდ მოინდომა, სიები დააზუსტა და ძალიან ბევრი იმუშავა იმასთან დაკავშირებით, რომ ადამიანებისთვის მცირედით, მაგრამ მაინც გაგვემართა ხელი და შესაბამისად, გაკეთდა ეს შეთავაზება, რის შესაძლებლობაც იყო. მეორეს მხრივ, ვრჩებით იმ აზრზე, რომ მუნიციპალიტეტის უფლებამოსლებას არ განეკუთვნება ასეთ შემთხვევებში რაიმე სახის კომპენსაციის გაცემა, მაგრამ როდესაც ადამიანებს უჭირთ ეს შესაძლებლობაც არის,“ - განაცხადა დავით ნარმანიამ.
შეგახსენებთ, რომ საკრებულომ მოვაჭრეებს დახმარების სახით 3000 ლარი შესთავაზა, მაგრამ დაზარალებულები არ დათანხმდნენ. მათი მოთხოვნაა პირველადი კომპენსაციის სახით 5000 ლარი და საბანკო ვალდებულებების შეჩერება, შემდეგ კი ზარალის კომპენსაცია.