თბილისის საკრებულოს ფრაქცია „რესპუბლიკელების“ თავმჯდომარე ხათუნა სამნიძე დავით ნარმანიას ანგარიშს ელოდება. მან გააკრიტიკა მერი და აღნიშნა, რომ ოპოზიციის წინაშე ნარმანიას ბევრ შეკითხვაზე მოუწევს პასუხის გაცემა. მისი თქმით, ოპოზიცია ერთიანად ემზადება მასთან შესახვედრად და არა ცალ-ცალკე.
ხათუნა სამნიძემ საკრებულოში ვიცეპრემიერ კახა კალაძის გახშირებულ ვიზიტებზეც ისაუბრა.
„კვირაში ერთხელ მაინც საკრებულოს სტუმრობს კახი კალაძე, რომელსაც ახლავს როგორც წესი ან პრემიერ-მინისტრი ან პარლამენტის თავმჯდომარე, შეხვედრები აქვს უმრავლესობასთან. როგორც ჩანს ის ემზადება მერობის კანდიდატობისთვის და ალბათ ამეცადინებს მას საკრებულოს თავმჯდომარე და უმრავლესობა, რომ ესეთი შეცდომები, როგორც ცოტა ხნის წინ დაუშვა ეთნიკურ საკითხებთან დაკავშირებით, ასეთი იაღლიშები კიდევ რომ არ მოუვიდეს ალბათ,“ - განაცხადა ხათუნა სამნიძემ.
