ავიაკომპანია Ural Airlines-ი ეკატერინბურგიდან თბილისის მიმართულებითაც ავიარეისს ამატებს. კომპანიის ინფორმაციით, 5 მაისიდან ეკატერინბურგიდან საქართველოს დედაქალაქში გამგზავრება კვირაში ორი რეისით გახდება შესაძლებელი.
Ural Airlines-ის პრესსამსახურში აცხადებენ, აღნიშნულ მიმართულებაზე რეისები რეგულარული იქნება და ის ყოველ ორშაბათსა და პარასკევს განხორციელდება. ერთი გზის ბილეთის ღირებულება 300 ლარიდან (8636 რუბლი), ხოლო ორი გზა - 659 ლარიდან (18 935 რუბლი) ეღირება.
როგორც ცნობილია Ural Airlines-ი სანკტ-პეტერბურგიდან ქუთაისის მიმართულებით ავიარეისების განხორციელებას იწყებს. ახალი მიმართულებით რეისების განხორციელება 3 მაისიდან დაიწყება და კვირაში ერთი რეისი განხორციელდება.
აღსანიშნავია, რომ Ural Airlines-ი ქუთაისის საერთაშორისო აეროპორტში უკვე ასრულებს პირდაპირ ავიარეისებს მოსკოვიდან, ხოლო თბილისის საერთაშორისო აეროპორტში კი - ეკატერინბურგიდან და სანკტ-პეტერბურგიდან
Ural Airlines-ი ბათუმის მიმართულებით ასევე ასრულებს ავიარეისებს მოსკოვიდან, სანკტ-პეტერბურგიდან და ეკატერინბურგიდან.
ავიაბილეთების შეძენა შესაძლებელია საიტზე www.uralairlines.com და ასევე Uralairlines-ის მობილური აპლიკაციის მეშვეობით.