,,საზოგადოებრივი მაუწყებლიდან“ ჟურნალისტ ეკა მიშველაძის გათავისუფლების შესახებ სარჩელის განხილვა თბილისის საქალაქო სასამართლოში დღეს სრულდება. მიშველაძე იმ გადაწყვეტილების გაბათილებას ითხოვს, რომლის მიხედვითაც მისი გადაცემა დაიხურა და სამსახურიდან გაათავისუფლეს.
სარჩელის მიხედვით, მხარე მიშველაძის სამსახურში დაბრუნებას, კომპენსაციას და დისკრიმინაციის შედეგად მიყენებული მორალური ზიანის ანაზღაურებას ითხოვს.
„ველოდები, რომ გადაწყვეტილება იქნება სამართლიანი, სამართლიანი კი არის ის, რომ უნდა აღიარონ, რომ მე უკანონოდ ვიყავი გათავისუფლებული, უკანონოდ დაიხურა გადაცემა და შესაბამისად, დააკმაყოფილონ სარჩელი და ყველა მოთხოვნა,“-განაცხადა ეკა მიშველაძემ.