სასამართლომ დააკმაყოფილა პროკურატურის მოთხოვნა და 1992 წელს დაბადებულ ლუკა ჩიხლაძეს აღკვეთი ღონისძიების სახით პატმრობა შეუფარდა. მას გამოძიება ე.წ. კანიბალიზმის საქმეში დანაშაულის შეუტყობინებლობას ედავება.
პროკურატურა პატიმრობას რამოდენიმე მიზეზით ითხოვდა: "ნასამართლევია, პირობითი მსჯავრი აქვს და არსებობს მიმალვის საფრთხე, გამომდინარე იქიდან, რომ მას წინა მსჯავრის მოხდაც ემუქრება. მტკიცებულებების განადგურებას რაც შეეხება, ჩანაწერში ნათლად ისმის, რომ მას აქვს მისწრაფება ცხედრის განადგურების, ამიტომ მისი თავისუფლებაზე დატოვება საფრთხეს შეუქმნის მტკიცებულებებს", - განაცხადა პროკურორმა სასამართლო პროცესზე. ამის შემდეგ სასამართლომ არ გაითვალისწინა დაცვის მხარის მოთხოვნა გირაოს შესახებ და პროკურატურის მოთხოვნა დააკმაყოფილა.