საპარლამენტო უმრავლესობა პრეზიდენტთან დაძაბულ ურთიერთობას ეხმაურება. მათი თქმით, ამ ყველაფერს პრეზიდენტ გიორგი მარგველაშვილის მიერ გადადგმული ნაბიჯები იწვევს, ხოლო ბოლო დროს ე.წ. მოსმენების კანონზე ვეტოს დადებაც ნორმალური პროცესი არ არის.
ამ დაძაბულობის ინსპირირება ხშირად ხდება პრეზიდენტის გუნდის წარმომადგენლების მხრიდან, არასწორი შეფასებებით და სწორედ ამას უკავშირდებოდა ის განცხადებები, რომლებიც კეთდებოდა ჩვენი მხრიდან. ჩვენ ვთვლით, რომ მნიშვნელოვანია ინსტიტუციების პატივისცემა. სამწუხაროდ, ამ ბოლო პერიოდში მოხშირდა განცხადებები, რომლებითაც უპატივცემულობა მჟღავნდება პრეზიდენტის ინსტიტუციის მხრიდან პარლამენტის მიმართ,“ - განაცხადა პარლამენტის საპროცედურო საკითხთა და წესების კომიტეტის თავმჯდომარემ, გიორგი კახიანმა.
