ჩვენ დეტალებს ვარკვევთ და საზოგადოებას აუცილებლად ვამცნობთ ამის თაობაზე, - განაცხადა შს მინისტრმა გიორგი მღებრიშვილმა, სომხეთის უსაფრთხოების სამსახურის მიერ საქართველოდან სომხეთში კონტრაბანდული იარაღის შეტანის შესახებ გავრცელებულ ინფორმაციასთან დაკავშირებით.
”ასე გადაჭრით არ შეიძლება თქმა, რომ საქართველოს გავლით შევიდა სომხეთში. სომხური მხარე შეიძლება ამას ამბობს, მაგრამ ჩვენ დეტალებს ვარკვევთ და საზოგადოებას აუცილებლად ვამცნობთ ამის თაობაზე”, - განაცხადა მინისტრმა.
სომხეთის უსაფრთხოების სამსახური ოფიციალურად ადასტურებს ინფორმაციას ყარაბახის ექს-თავდაცვის მინისტრის სამველ ბაბაიანის დაპატიმრების შესახებ, რომელიც ამჟამად ერთ-ერთ ოპოზიციურ საარჩევნო ბლოკთან "ოგანიან-რაფფი-ოსკანიანთან" თანამშრომლობს.
სომხეთის ეროვნული უშიშროების სამსახურში გუშინ განაცხადეს, რომ Игла კონტრაბანდულად საქართველოდან შეიტანეს. საქმეზე დაკავებულია 3 ადამიანი. უწყების ცნობით, მათ მიიღეს ინფორმაცია, რომ სომხეთში საქართველოს ტერიტორიიდან გადასატანი საზენიტო სარაკეტო კომპლექსის, Игла-ს კონტრაბანდული ტრანსპორტირება მოხდებოდა.
ერთ-ერთი ვერსიით, დანადგარი თითქოს თვითგამოცხადებული მთიანი ყარაბაღისთვის ტეროტორიაზე უნდა შეეტნათ.