სამი თვის გასვლის შემდეგ, რომელიც არის გათვალისწინებული უვიზო მიმოსვლის პროცედურებით, ჩაირთვება პროგრამის სპეციალური მექანიზმი-ეს განცხადება, საქართველოს პრემიერ-მინისტრმა გააკეთა.
გიორგი კვირიკაშვილმა შენგენის ზონაში საქართველოს მოქალაქეებისთვის უვიზო მიმოსვლის ამოქმედებაზე დღეს მთავრობის სხდომაზე ისაუბრა.
პრემიერმა განმარტა ის წესები და პროცედურები, რომელიც ევროკავშირის ქვეყნებში სამ თვიანი ყოფნის წესის დარღვევას მოჰყვება.
„28 მარტიდან საქართველოს მოქალაქეებისთვის ევროკავშირის შენგენის ქვეყნებში უვიზო მიმოსვლის რეჟიმი ჩაირთვება. როგორც მოგეხსენებათ, ყველა საკანონმდებლო პროცედურა უკვე დასრულებულია. მნიშვნელოვანია, რომ ჩვენ დავაყენებთ სპეციალურ პროგრამას საბაჟო გამსვლელ პუნქტებზე. როდესაც ადამიანი მიემგზავრება ევროპის მიმართულებით, იმ სამი თვის გასვლის შემდეგ რომელიც არის გათვალისწინებული უვიზო მიმოსვლის პროცედურებით, ჩაირთვება პროგრამის სპეციალური მექანიზმი და ინფორმირება მოხდება იუსტიციის სამინისტროსი და შინაგან საქმეთა სამინისტროსი, რომ ესა თუ ის პიროვნება ვადაში არ დაბრუნდა ქვეყანაში და სწორედ ამ დროს ჩვენ ცირკულარულად გავაგზავნით ევროკავშირის ქვეყნებში ინფორმაციას და პროაქტიულად ჩვენი მხრიდან დავიწყებთ მოძიებას ამ ადამიანის,“-განაცხადა გიორგი კვირიკაშვილმა.
