ფოთი ტურისტულ ქალაქად უნდა იქცეს. საქართველოს მთავრობის ინფორმაციით, ფოთში, უფრო კონკრეტულად კი მალთაყვაში სანაპირო ზოლის კეთილმოწყობა მიმდინარეობს, რაც ხელს შეუწყობს ტურიზმის განვითარებასა და ინვესტიციების მოზიდვას
მთავრობის ინფორმაციით, მალთაყვის სანაპირო ზოლის მშენებლობის პირველი ეტაპი სრულდება. ამ ეტაპზე ახალი პლაჟი მოწყობილია- 2,7კილომეტრზე
პროექტი შეზღუდული შესაძლებლობების მქონე პირთა საჭიროებებზე სრულადაა ადაპტირებული
პროექტის პირდაპირ ბენეფიციართა რაოდენობა შეადგენს 25 ათას ადგილობრივ მცხოვრებს, ხოლო სეზონურად დამატებით - 20 ათას დამსვენებელს, რაც პერსპექტივაში მზარდი ციფრია.
ფოთი აქამდე მხოლოდ საპორტო ქალაქი იყო, მალთაყვის პროექტის განხორციელების შემდეგ კი - საპორტოსთან ერთად ტურისტული ქალაქიც იქნება.
მალთაყვას საკურორტო-რეკრეაციული ზონის შენარჩუნება-განახლება უმნიშვნელოვანესია გარემოს დაცვის ეკოლოგიური მდგომარეობის გაუმჯობესებისთვის