23 მარტს, 17:30 საათზე, საქართველოს შოთა რუსთაველის თეატრისა და კინოს სახელმწიფო უნივერსიტეტის II კორპუსში, კინოკლუბის დარბაზში ნუცა ალექსი-მესხიშვილი და ნინო კასრაძე წარმოგიდგენთ ცნობილი ფრანგი რეჟისორის, ფრანსუა ტრიუფოს წერილების პირველ ქართულ გამოცემას. სტატიები კინოხელოვნებაზე, რომელიც წიგნში - „რაც თვალს სიამოვნებს“ - თავმოყრილია (ფრანგული გამოცემა: Francois Truffaut: Le Plaisir des yeux; გამომცემელი: Cahiers Du Cinema), ტრიუფოს არაჩვეულებრივი კარიერის სხვადასხვა ეტაპზეა დაწერილი, მათი წიგნად თავმოყრა კი მისი გარდაცვალების შემდეგ გახდა შესაძლებელი.
წიგნიდან ამონარიდებს მსახიობის ხელოვნებაზე წაიკითხავს ცნობილი თეატრისა და კინოს მსახიობი ნინო კასრაძე.
პროექტის ავტორი და მთარგმნელი: ნუცა ალექსი-მესხიშვილი
წიგნის ქართული გამომცემლობა: სეზან ფაბლიშინგი
მისამართი: აღმაშენებლის გამზ. 40.
