აჭარის მთავრობის თავმჯდომარე ზურაბ პატარაძე აჭარის ფინანსთა და ეკონომიკის მინისტრ რამაზ ბოლქვაძესთან ერთად შპს „ბათუმის ნავთობგადამამუშავებელ ქარხანას“ ეწვია. მთავრობის თავმჯდომარემ ქარხნის ტერიტორია დაათვალიერა და ხელმძღვანელობისაგან ქარხნის მუშაობისა და მომავალი გეგმების შესახებ ინფორმაცია მოისმინა.
სამუშაო შეხვედრის ფარგლებში, ზურაბ პატარაძემ რეგიონის ეკონომიკის განვითარებაში შპს „ნავთობგადამამუშავებელი ქარხნის“ მნიშვნელობას გაუსვა ხაზი.
ზურაბ პატარაძის თქმით, სასურველია მოხდეს ტერიტორიის მაქსიმალური ათვისება და ახალი პარტნიორების მოძიება, დამატებითი რეზერვუარების აშეენება და ამ პროფილის მქონე სპეციალისტების დასაქმება. ამ მიმართულებით მუშაობა უკვე დაწყებულია.
