საფრანგეთს შინაგან საქმეთა ახალი მინისტრი ჰყავს. მათიას ფეკლმა პოსტზე ბრუნო ლე რუ შეცვალა. ლე რუს ბრალი ნეპოტიზმში დასდეს. სკანდალში ის პარლამენტში საკუთარი ქალიშვილის დასაქმების გამო გაეხვა. ანალოგიური ბრალდება საფრანგეთის პრეზიდენტობის კანდიდატს, ფრანსუა ფიიონსაც წაუყენეს, რომელსაც პარლამენტში საკუთარი მეუღლე თანაშემწედ ჰყავდა გაფორმებული და სოლიდურ გასამრჯელოს უხდიდა.