ბრენდის ისტორია დაიწყო საქართველოში, სადაც ფეხსაცმლის მასობრივი წარმოება აქამდე არ არსებობდა. ახალგაზრდა ძმებმა, გიორგი და შოთა მიქაიებმა, გადაწყვიტეს განეხორციელებინათ თავიანთი ოცნება და შეექმნათ იდეალური კედები. “საჭირო იყო, რომ დაგვეკმაყოფილებინა წარმატებული ახალგაზრდა ადამიანები, რომლებიც ყოველთვის ეძებენ ახალ თავგადასავლებს, მიისწრაფიან განვითარებისკენ, იბრძვიან, სრულყოფისა და თავისუფლებისთვის. გადავწყვიტეთ შეგვექმნა, მინიმალისტური და ამავდროულად უმაღლესი ხარისხის ბრენდი, სწორედ ამ დროს დაიბადა CROSTY.”
- რა არის CROSTY-ის შექმნის მთავარი ინსპირაცია?
მთავარი ინსპირაცია და სტიმული იყო მუდმივი სურვილი წარმოების და ქართული პროდუქტის შექმნის. ამას თან დაერთო ინტერესი დიზაინის მიმართულებით და ჩვენი დიდი სიყვარული ყველასთვის საყვარელი, კომფორტული კედების მიმართ. სწორედ აქ გაჩნდა იდეა გაგვეკეთებინა ქართული პროდუქტი რომელსაც მსოფლიოს გავაცნობდით.
- მომსახურების მხრივ რა უპირატესობას ფლობთ?
მომსახურების მხრივ გვაქვს უფასო მიწოდება მსოფლიოს მასშტაბით, ნებისმიერ წერტილში მხოლოდ 5-7 დღეში ვახორციელებთ პროდუქტის ადრესატამდე მიწოდებას. გვაქვს ხარისხის მკაცრი კონტროლი რაც ითვალისწინებს მომხმარებლისთვის ხარისხის გარანტიებს და ასევე გვაქვს პროდუქტის დაბრუნების და შეცვლის გამარტივებული პროცესი, რაც დიდ კომფორტს უქმნის ნებისმიერ მომხმარებელს.
- თანამშრომლობთ თუ არა ქართულ ან უცხოურ კონცეპტუალურ ონლაინ მაღაზიებთან?
ამ ეტაპზე ვთანამშრომლობთ რამდენიმე კონცეპტუალურ მაღაზიასთან, როგორც ქართულ ასევე უცხოურთან, მაგ: Dots Tbilisi, Moreislove.com, SPOT2.55, Minsk, Belarus და ამავდროულად დაინტერესება გვაქვს სხვადასხვა ქვეყნებიდან მიმდინარეობს აქტიური მოლაპარაკებები.
- ვებ-გვერდი მხოლოდ ინგლისურად რატომ გაქვთ?
ვინაიდან გაყიდვები გვაქვს ექსპორტზე გადავწყვიტეთ ინგლისურით დაგვეწყო, თუმცა პარალელურად ვმუშაობდით ლოკალიზაციაზე და ძალიან მალე დაგვემატება რამდენიმე ენა და ვალუტა. მათ შორის რა თქმა უნდა ქართული ენა და ლარის ვალუტით გადახდაც.
- რა კონკურენტული უპირატესობით გამოირჩევა თქვენი კედები სხვა თანამედროვე მსგავსი ტიპის ბრენდებისგან?
ჩვენი კედები არის მინიმალურსტური დიზაინის და შექმნილია მსოფლიოს საუკეთესო მასალების გამოყენებით. ამ მწარმოებლების მასალებს იყენებს ისეთი ბრენდები როგორებიცაა მაგალითად: Givenchy, Balenciaga, Philpp Plein, Lanvin და ა.შ. ჩვენი მთავარი უპირატესობა ამ ეტაპზე არის ხარისხი და ჩვენი ბრენდის ხასიათი.