საქართველოს ვიცე-პრემიერის, ალექსანდრე ჯეჯელავას განცხადებით, პრეზიდენტი გიორგი მარგველაშვილი ვეტოს უფლებას ზედმეტად ხშირად იყენებს. მისივე შეფასებით, ვეტოს ფასმა საზოგადოების თვალში იკლო.
„მე ვფიქრობ, რომ ვეტოს და თვითონ პრეზიდენტის ინსტიტუტის რეპუტაციაზე ეს შეიძლება, უარყოფითად მოქმედებდეს და ისედაც ცნობილია, რომ ჩვენი ხელისუფლების პირობებში, არასანქცირებული, უკანონო მოსმენის შემთხვევები, დამტკიცებული შემთხვევები, ძალიან ცოტაა. გაცილებით ნაკლებია, ვიდრე ეს ადრე იყო და ამიტომ შიშის და წუხილის საფუძველი ნაკლებია,“ - განაცხადა ალექსანდრე ჯეჯელავამ.
მისი თქმით, დეპუტატების გადასაწყვეტია, დაძლევს თუ არა პარლამენტი პრეზიდენტის ვეტოს. საქართველოს პრეზიდენტმა ე.წ. მოსმენების კანონი პარლამენტში დააბრუნა.