არსებობს ალტერნატიული მოსაზრებებიც არასამთვრობო ორგანიზაციების მხრიდან, - განაცხადა თბილისის მერმა დავით ნარმანიამ საიას მიერ მოსამართლე ნატა ნაზღაიძის ოჯახისთვის ქონების გადაცემის საქმესთან დაკავშირებით გამოქვეყნებილი დასკვნის შესახებ.
„მნიშნველოვანია ის, რომ არსებობს სხვა ალტერნატიული მოსაზრებებიც არასამთვრობო ორგანიზაციების მხრიდან ამ საკითხთან დაკავშირებით, ამიტომ, ასე ცალსახად თქმა იმისა, რომ დაირღვა კანონმდებლობა, ჩემი აზრით, რეალურ საფუძველს მოკლებულია. როგორც იცით, ერთის მხრივ, ჩვენ ძალიან სიღრმისეულად ვიცნობთ საკითხს და ღრმად ვარ დარწმუნებული იმაში, რომ ყველაფერი წესების და პროცედურების დაცვით გავაკეთეთ. მეორეს მხრივ, თუკი ვინმეს ეჭვი ეპარება, მიმდინარეობს საგამოძიებო პროცესი და გამოძიებაც თავისას იტყვის. გამოძიებას აქვს თავისი ვადები, წესები, პროცედურები, რაც საპროცესო კანონმდებლობიდან გამომდინარეობს. ასე, რომ მისი დაჩქარების მოთხოვნა ქალაქის მერიის მხრიდან არარეალურია,“ - განაცხადა ,,რუსთავი 2“ - თან დავით ნარმანიამ.